【Now.com】男團MIRROR成員呂爵安 (Edan) 下午在Threads分享一張手機SMS截圖，SMS稱他未交水費，指示他要今天處理，SMS並附上一條連結。Edan搞笑問「呢個係呃人定我真係未交？」醒目的Edan當然知這是詐騙短訊，他最後更出絕招回應這個短訊！
Edan在Threads的帖文稱「［吾sick就問］想問下呢個係呃人定我真係未交？😂😂😂 條link㩒入去會吾會出事㗎？🧐」帖文附上的是一張手機SMS截圖，寫著「【水務】本署發現閣下的水錶戶口於2025年11月20日發出之水账單尚未繳清，請於今天处理：(Link)」全文當中唯獨「賬」和「處」用了簡體字，明顯相當粗疏。
不少網民心知Edan沒有受騙，但仍搞笑回應他「幫你諗定標題: 知名藝人呂爵安受騙 遇「尚未繳付水錶帳單」被騙逾100萬」。亦有人認真了解有關截圖，指「1. 無#係前面。政府公佈所有已登記部門帳號係有#架 2. 又繁體又簡體，就一定係假啦 傻豬豬」又有人指出真正的水務署website，「真嘅水務署係 wds.gov.hk 政府網站唔會有.com架」。
Edan隨後再更新帖文，「多謝大家見義勇為！希望我可以用我嘅歌聲淨化佢！」Edan用他的歌<純銀子彈>YouTube連結，回覆詐騙SMS，並附有「【E務】本E發現閣下的Youtube戶口於2025年11月20日尚未聆聽Edan的歌曲，請於今天处 (處) 理」。唔知Edan歌聲係咪可以淨化這個懷疑騙徒呢？
Photo / Threads@edanlui
