【Viu】「國際刑警Michael」Edan oppa出動啦！今日佢親臨「《模範的士3》：E先生駕到」活動，同爵屎s分享拍攝點滴兼近距離玩遊戲！Michael San帶住黑超Chok爆出場，又狂晒韓文，好得戚咁啵！
席間Edan笑提「冇gel勝有gel」嘅oppa圓頭，憶述有場天台戲勁大風，吹到變中分，揚言下次試光頭造型？佢指當初有收到梁朝偉、劉德華等90年代嘅髮型參考添！
之後佢笑言文化衝擊max係換衫部分，估唔到拍韓劇換衫嗰陣，長期有位女工作人員喺房入面standby幫手着衫着褲，見慣大場面嘅兒登又慣唔慣呢？佢更抵死笑叫爵屎如果要追韓星，就可以去應徵呢個位！
Edan oppa仲即場同爵屎s重溫喺《模範的士3》嘅演出片段，當見到自己出場嗰陣，兒登秒怕醜大叫又掩面，勁老尷呀！因係全英對白，兒登透露有專登搵英文老師惡補，點知遇着個有演員底嘅老師，咁funny？兒登又點招架？
去到下一part讀comment環節，兒登笑指劇集播出後的確多咗fans follow，特別係印尼籍嘅，睇嚟兒登成為東南亞王子係指日可待！佢再爆一場深刻戲份，因拍「動作戲」而受傷，之後喺閃避球賽觸發呢個「舊患」！想知就去睇現場實況！
