【Viu】女神Kay謝安琪今日以掛頸連身白長裙亮相活動，一出場就散發滿滿嘅仙氣！呢日佢仲帶埋新靚仔助手一齊出job，就係大仔James張瞻啦！Kay笑言係喺老公張繼聰度挖James過檔，有正式簽合同㗎，講到明頭一個月係冇正式假期，而且做錯事係會收warning letter，如果收齊3封就會冇糧出！希望James可以趁去外國升學前學習同人合作、加強人際關係！
Kay又笑謂喺工作期間，James需要稱呼佢做「老闆」，雖然曾試過對James原地發火，但暫時都忍到手冇畀過warning letter嘅，究竟James做錯咩事呢？不過Kay都大讚呢位靚仔助手好好脾氣、學習態度好好又識包容，暫時畀60分啦，仲有進步嘅空間！唔知James出咗第一個月糧之後會唔會成份糧「上繳」？
嚟緊12月中，Kay就會飛馬來西亞舉行20周年巡迴演唱會，佢話好耐都冇開騷啦，最近都係密密加操，唔知「金童」有冇陪操先？Kay透露阿聰有陪練歌，喺屋企二人卡啦ok咁勁sweet！到時阿聰會上台做嘉賓？香港站又幾時有呀？
至於講到《金童》即將上映，Kay指有陪「金童」去優先場，覺得現場反應好好，憶起當年阿聰由零開始喪操好艱辛，又椎間盤突出兼膝頭傷晒都好心痛！另外，Kay目前順利入圍叱咤「我最喜愛的女歌手」12強，佢會同阿聰點樣拉票？click入足本訪問聽女神點講啦！
