【Viu】容祖兒出席商場聖誕亮燈儀式，笑言好彩席間冇拎返20年前嘅相嚟做對比咋，希望今晚唔會上網見到啲陳年Event相啦！講到聖誕節，「絕世好姑姑」祖兒預告會帶侄仔侄女去旅行，當然唔少得去主題樂園，又爆老Best阿Sa因為驚假期排長龍而婉拒一齊出遊添！
咦？其實阿Sa Say No會唔會係因為有拖拍，要陪另一半呢？祖兒就自封「拉鏈兒」，避談阿Sa同健身教練Elvis嘅緋聞，淨係話喺關智斌演唱會後台見過男方，雖然自己冇心心眼，但都覺得對方好大隻，又爆阿Sa最近容光煥發兼好開心，明晒啦！咁祖兒又覺得兩位襯唔襯呢？鬼馬嘅祖兒就爆笑回應：「兩個都好童顏，幾得意呀！」如果有細過自己10年嘅追求者，祖兒又會唔會考慮呢？佢再度發揮搞笑本色「認細」喇！
此外，對於韓星泫雅喺澳門表演期間暈倒，祖兒都有留意，仲話想當年都深受減肥影響，想知就睇足本訪問啦！
