【2025年7月7日】容祖兒今日現身灣仔出席代言活動，講到早前推新歌《但你要甜》送俾Fans，刻意邀請胞弟、朋友s嘅仔女拍MV，攰到冇電。祖兒又認母愛氾濫，雖然未生，但已有人母責任。
祖兒又話喉嚨長期耗損，要定時去南京針灸，又暗示香港演唱會以啟德大場為目標，惜暫時未有好消息宣佈。而日前喺音樂會上，祖兒興奮同軟硬天師、Eason、霆鋒敘舊，又大讚E神女陳康堤有唱歌潛質，但就冇約唱K，點解嘅？
唔爭在講埋近日英皇陷166億債務逾期風波，祖兒話都有留意及關注，覺得香港經濟唔好，好多大集團都有呢啲新聞，佢相信公司會處理到各種問題，又表示老闆楊受成都有逐一同藝人解釋，而且楊生日前睇騷時向佢親證：「唔太大問題！」想知更多就入嚟睇足本訪問片啦！
