【Viu】Gigi炎明熹、海兒同葉巧琳等今日出席舞台劇記者會，「神隱」近一年嘅Gigi，終於公佈去向，坦承已約滿友台，回復自由身，依家自組公司「然后」，搞Gag話覺得個名好Kam！對於友台今日冇派員採訪，Gigi話可能係舊公司事忙啫，亦唔擔心被封殺，事關每個人都有自己嘅諗法！Gigi仲話因為唔捨得舊同事而落淚添！
不過，東家唔打打西家，Gigi歡迎亮相其他電視台，反正佢都唱過姜濤嘅歌，之後又會唔會有機會合作呢？Gigi都話歡迎呀，小編表示期待！
至於海兒同葉巧琳分別飾演高錕媽媽同太太，奶奶同新抱受訪時不斷暴走，海兒仲話唔介意另一半由Phoebus變周國豐；葉巧琳就預告老公要嚟睇自己同男演員煙靭。講到早前丁父憂，葉巧琳坦言心情未平復，仲話喺爸爸喪禮前夢見佢。想知更多就睇足本訪問啦！
