【Viu】仲有唔夠一個月嘅時間，音樂劇《三·八》就會喺戲曲中心公演啦！呢日搵嚟部分主演演員黃浩然、Phoebus@P1X3L、Winka@COLLAR、海兒，分享吓佢哋排戲嘅趣事！
不得不提Phoebus今次就正正子啦，同時間有兩位美女Winka、海兒間住做佢「女朋友」，呢單嘢真係可以寫入CV兼將來同孫仔、孫女開心share！有冇即刻同兄弟Marco曬命先？而身在福中嘅Phoebus就謙稱演起上嚟都有啲難道喎，莫非係難在唔知點分心好？
日前Winka喺宣傳新歌《今期不流行》嗰陣，披露咗自己嘅聲帶永久受損，呢日佢有報個平安之餘，再加碼派埋派定心丸，叫大家唔使擔心，承諾會繼續唱歌畀大家聽㗎！
為咗對仔而接演音樂劇嘅黃浩然，笑話當初都怕同班年輕演員有generation gap，但好快就同大家打成一片，仲有傾有講添，佢亦大讚每位演員都好勤力！另外，講起導演詹瑞文會set啲小遊戲畀佢哋增加默契，Winka秒舉手笑話有料爆，大爆海兒不為人知嘅一面！想知就去片啦！
