【Viu】「Sony三寶」Phil林奕匡、Mischa葉巧琳同Cath黃妍早排就威威豬啦，帶住新歌《藝術與科學》一齊上日本著名音樂Channel 《The First Take》演出，搞到阿Mi興奮到㗎妹上身，不斷講日文兼有表情包放題，High到一個點呀！
雖然三位都係唱得之人，但要上《The First Take》喇喎，煮咪話唔緊張，Phil感激監製Edward Chan嘅終極認真綵排；Cath就自爆食飽飯「加持」靚聲；阿Mi就仲激……講緊個腸胃呀！
問到現實中係理性型定感性型，阿Mi自認戀愛大過天，要求男友變「霸總」氹返，聽到Phil眼都凸埋，仲自爆試過畀老婆嫌棄；Cath仲直認係「冷血動物」。想笑餐飽記得loop爆呢個訪問喇！
