【Viu】街舞殿堂《Red Bull Dance Your Style》將6月28號舉行「香港區決賽」，「舞林高手」Tsoul田曜誠成功殺入16強，除咗積極備戰外，仲揚言唔介意騷肌搶分添！Tsoul直言擔心因為早排拍攝《公司迫我打籃球》整傷韌帶而影響表現，仲自爆放血嗰陣痛到流馬尿，真係睇到啲相都戥佢痛呀！
不過，「腳痛都不及我心痛」，入行一年幾嘅Tsoul，坦承入行前做嘅心理建設唔夠，冇足夠嘅抗壓性去面對流言蜚語，好彩一齊出道ROVER四子，尤其係亨仔經常開解自己；《造星V》導師陳蕾同陳健安仲化身「娛樂圈社工」陪伴佢走過低潮，令佢慢慢變得堅強！
依家嘅Tsoul雖然明白「跳舞明星」之路難行，但毋忘初心，仍然希望為香港舞者爭一口氣，亦希望多方面發展，仲親自拆解網友對自己嘅「三大誤解」，希望各位老闆畀次機會，聽吓Tsoul嘅心底話啦！
