【Viu】「教主」Anson Lo@MIRROR、「大表波」Stanley@MIRROR今日現身「HKT西九音樂節」記者會，第二年參加盛事嘅教主話希望今年可以繼續同神徒大合唱，亦希望趕得切出新歌到時首唱啦！
大表波喺台上透露演出會以「愛情」為主題，兼融入芭蕾舞元素，到時套舞衫咪會係超緊身？講起衫，大表波即燒埋教主嗰疊，笑話教主到時會除衫，大讚教主身材就嚟拍得住張家輝，教主又係咪真係堅會除？咁可唔可以再追加埋淋水環節？講到呢次音樂節係不設畫位，教主就呼籲各位神徒、波波唔好通宵排隊咁辛苦啦！
提起大表哥同Edan喺網上引發黑圖大戰，大表哥笑話已停戰，手上已經冇晒黑圖啦！「大表嫂」Alina近日post sexy bikini相，大表哥停頓幾秒後嘆氣話：「算啦⋯靚咪得囉！」唔通大表嫂未攞approve就post？大表哥仲搞笑叫教主一齊影呢輯相，係咪想笑死人？佢哋講得興起仲爆埋MIRROR 6周年活動、團綜內幕添！
同場嘅Lyman、折骨Ben、KC、Tsoul，亦會參與音樂節嘅跳舞演出部分，唔知有冇機會見到兩屆《造星》冠軍Lyman同折骨Ben battle？KC同Tsoul就預告演出會有音樂劇元素！Lyman更自爆已同MakerVille正式「拍拖」，簽約成旗下藝人，老婆都超support呢段「婚外情」咁話！快啲click入嚟睇足本訪問啦！
