【Viu】Lyman香胤宅、Tsoul田曜誠同KC黃家灝呢晚現身西九音樂節《幻舞浮光》，呢次亦係KC自被爆同Win Win分手後首現身公開活動，見佢心情似乎未有被負面新聞影響！
壓軸出場嘅Lyman係咁show off，又劈落地又側手翻咁，型到爆呀！Lyman跳到中間更有加插quick change，閃露對強壯手臂仔！事後問到Lyman做咩唔索性除淨背心？佢怕醜答怕凍，不過都唔夠佢同Tsoul爭住認好腰好腎好男人咁cute！
Tsoul慘爆話右腳腳傷仲未好返，所以呢晚係帶傷上陣，最近亦未能教班！講到拍檔KC連謝幕都未有現身，Tsoul表示對方有嘢做就先行離開，又指當知道KC分手就有慰問過，而最近排舞都唔覺KC心情唔好！Tsoul亦有重演KC疑藐Anson Lo案發經過，欲替兄弟解圍！Lyman、Tsoul均表示公司嘅雪櫃只係用嚟放嘢飲，否認公司會雪藏藝人咁話！
另外，Tsoul預告之後有機會同Lyman做限定組合嘗試演舞台劇或劇集、綜藝，實行做全方位藝人，直接證明工作未有受影響！即刻睇足本訪問兼三子跳爆舞台啦！
