【Viu】MIRROR「哥與弟」（又名死神CP）Ian、姜濤今日以「星級契爸」身份現身主題樂園，參與大熊貓家姐細佬後援會成立典禮，兩位契爸唔止送咗隻黑膠畀熊貓姊弟，Ian仲作咗首主題曲《抱抱大熊貓》即場同姜濤首唱，歌詞超有愛！
笑提姜濤食竹葉，唔知佢覺得好唔好食呢？問到Ian會唔會都想試食一啖？佢就秒回唔想，更搞笑話食竹葉呢個舉動係符合姜濤嘅作風！佢又開心share為家姐、細佬寫主題曲嗰陣，腦海有咩畫面，唔知有冇埋姜濤食竹葉呢個picture？講到熊貓兩姊弟打風火輪了得，Ian沾沾話佢都得㗎⋯但唔係依家，係講緊細個嗰陣，側手翻、後空翻都no problem添！會唔會有機會再耍過？
嚟緊Ian繼續進行世巡，firm實下站係澳洲，會唔會就係喺生日中開唱？呢層Ian就話未知，但就好確定會有新鮮感畀Hellosss！日前「禿鷹小組」開西九戶外騷合唱《後來的我們》，事後被指歌意同《手印》相反，疑有拆夥之嫌，Ian醒目神回！
王晶惡評姜濤成城中熱話，姜濤謙虛感謝前輩對佢嘅批評、指教，佢指身為後輩冇辦法講太多，一直秉持接受多方嘅意見！而姜濤謂件事已過去，笑言大家食完花生就算，又派定心丸話自己心臟夠強大，能夠承受到！對秋生讚佢可愛，姜濤冧豬樣「回禮」：「我都覺得你好型！」即刻睇足本訪問片啦！
