【Viu】《第四十九屆香港國際電影節開幕典禮》今日舉行，古天樂、日本影后安藤櫻、日本著名導演中島哲也、開幕電影《搖籃凡世》導演張吉安、主演廖子妤同袁富華現身紅地氈，安藤櫻仲自認係星爺Fans，好想見吓對方！
最近頻頻戴超現身嘅古生，原來並唔係因為「今期流行」，而係因為視網膜穿咗窿，之後仲要做手術添呀！不過，古生最擔心都唔係呢樣，反而係因為之後要進行一個鐘嘅座談會先頭痕，仲話係親自挑選游學修做主持，亦有關心「試當真」停運一事。
講返電影先，聽聞《風林火山》上映在望，甚至有外媒激讚古生同青雲嘅演出大有機會問鼎「康城影帝」，古生聽完都一頭「黑人問號」，仲叫大家問返導演Juno咁話。
此外，古生早排去咗韓國睇GD演唱會，羨慕死一班買唔到飛嘅VIP，佢就以兩個字嚟形容，咦？咁一齊睇騷嘅靚女又係咪GD家姐呢？睇足本訪問等古生話你知啦！
