【Viu】林家謙今日出席代言飲品活動，頒獎畀一班小學生，仲獻唱《神奇的糊塗魔藥》，真心才華洋溢喎！家謙開心Share小學往事，原來佢識煮法國菜㗎！講到將於5月同洪嘉豪、陳健安齊齊開拉闊，家謙密鑼緊鼓籌備緊，仲笑言唔Mind同嘉豪揈住衫合唱《黑玻璃》添！
至於旅發局網頁提早公佈咗家謙嘅紅館騷檔期係8/8-17/8號，佢就話「眼看未為真」，仲好「大方」咁公佈今次紅館騷嘅Keyword，多謝晒喎！不過，家謙希望今次紅館騷同上次唔同，所以未必再搵Serrini同Tyson做嘉賓，又笑言要加強保安同圍欄，防止Tyson衝上台再抱起自己，擔心畀佢掟落樓喎！咦？咁家謙又點睇秋生批評Tyson新歌MV一事呢？點先肯出返首跳唱歌嚟炒熱氣氛呢？睇足本訪問就一清二楚喇！
