【Viu】電影《破·地獄》今日派出五位女將Michelle衛詩雅、周家怡、Rosa韋羅莎、Polly劉若寶、「阿杰」周芷慧，化身姑娘向老友記派飯，果然係人美心善！佢哋喺影相嗰陣仲搞笑大擺五星戰隊大陣，唔知下次會唔會着埋戰服出嚟呢？
笑談「周太」Michelle日前「再婚」，佢自爆送咗個surprise畀老公仔，就係請咗周醫生嘅偶像YT周殷廷嚟唱歌，周太又講到老公最鍾意聽《三生有幸》，但喺婚禮上唱好似唔多適合？周太又呷醋話YT大哥一出嚟佢就變咗第三者，真係笑爆嘴！咁「姊妹」陳家樂唱《活著VIVA》又high唔high先？不過周太話因為一個原因就唔post片出嚟同大家開心share啦！
《破·地獄》4月4日推出加長版，Michelle同家怡都話想留到到時先睇！家怡率先劇透最終個「BB」係保得住嘅，又搞笑話最後收到好多人嘅關心，現實中就驚佢一直單身、戲入面就擔心「BB」不保！佢哋又有冇信心《破·地獄》票房衝破2億？
Rosa透露舞台劇《SUCK樂園》啱啱進行咗圍讀，4月開始就每日排練，係咁話劇情kam爆驚忍唔到笑，到底有幾kam？咁唔知Rosa搵定戰衣for衝擊金像獎「最佳女配角」未？
《全民造星VI》開始進行面試階段，貴為上屆導師Rosa、「造星師姐」Polly同阿杰，又有咩tips畀參加者？身邊又有冇朋友參加？Polly笑話都諗返起當年參賽嘅片段，身邊嘅朋友間唔時會喺食飯嗰陣播返出嚟，對Polly嚟講係咪黑歷史？
另外，鄭中基戒酒後回歸幕前工作，阿杰指見大佬的確係瘦咗好多，但健康、情緒係好咗好多！講到鄭中基被傳同余思敏離婚，阿杰大方話有關心大佬，咁實情又係點？即刻去睇足本訪問！
