【Viu】何超儀、陳子聰今日夫妻檔現身香港影視展電影發佈會，慶祝公司踏入20年。佢哋上年新戲開鏡已宣布簽約子聰嘅外籍私人醫生Iman為旗下力捧新人，今日記者會上又再正式介紹多一次，並表示會安排佢連拍5部戲做男主角！
何超沾沾揀靚仔出名快手，Iman嘅處男電影《拾荒法師》舊年已拍，下套戲將會同何超談情，仲要出手打老闆添！Iman就話冇壓力，又表示好鍾意睇李小龍同《葉問》嘅功夫。
問Iman有冇女朋友或太太？佢笑笑口話：「No！」何超就講明呢幾年要禁女埋身，更安排咗Iman日上10粒鐘演戲課程。子聰亦話依家有Iman日夜監督，身體好咗之餘自己都會自律。想感受吓靚仔醫生有幾Charm？入嚟睇訪問片啦！
