【Viu】組合24味喺表演完《The Wild Ones Music Festival》後接受訪問，病癒嘅陳子聰坦言相隔3、4年再度上台表演好緊張，多謝香港觀眾夠熱情，仲大讚香港人好有愛，之前行街食飯都有好多巿民上前打氣！講到其他成員都飲酒，子聰直言依家唔可以飲，亦要食得清淡，同埋定期覆診，24味即笑言妒忌子聰病完都咁靚仔！
至於何超就大讚老公嘅表現值100分，仲自爆件綠色褸係自己「老屈」子聰買嚟表演，喂呀！咁True得唔得㗎？對於24味讚子聰病完都咁靚仔嘅講法，何超笑認全靠自己嘅愛滋潤到老公咁型英帥，閃到呢！想睇陳子聰同何超瘋狂放閃，睇足本訪問嗰陣記得戴返副超喇！
