【Viu】Gin Lee李幸倪放完大假，叉足電回歸啦！佢指喺農曆新年期間去旅行親親大自然，食飽瞓飽，仲得閒同樹、鴨仔傾偈，返到嚟香港好似軒公咁幸福肥咗呀！
今日「222」係Gin Lee出新碟《Leap Of Faith》嘅大好日子，佢話係專登揀呢個Angel Number，擇好日子先知仲有「貓奴日」嘅意思，勁貼切呀！Gin Lee話雖然未有時間去唱片舖買碟攞個luck，但佢一早落咗幾十隻碟嘅order，同時呼籲大家多多支持，咁唔知男朋友又大手購入咗幾多隻冧佢？
新歌《無愧於當初的我》同日推出，Gin Lee話MV係佢呢兩年嚟嘅寫照，最後一幕攞叱咤女金睇到佢眼濕濕！咁有冇信心喺十大中文金曲獎再下一城，創大滿貫成績？嚟緊Gin Lee會為3月1日啟德開幕禮擔任表演嘉賓，佢賣關子話會唱一首快歌，係咪新歌嚟㗎？另外，講到佢日前參加衛詩雅婚禮，Gin Lee話好戥一對新人開心，咁幾時輪到佢？佢嘅dream wedding又係點嘅？即刻去睇足本訪問片啦！
