【Viu】賀歲片《臨時決鬥》今日舉行開鏡拜神儀式，眾演員古天樂、周秀娜、Gigi梁詠琪、胡子彤、伍允龍、張文傑、「魚蛋妹」王尹菁、Louise王丹妮、「蝦頭」楊詩敏等現身！古仔同Gigi繼《嚦咕嚦咕新年財》後再拍賀歲片，演兩夫妻育有一女「魚蛋妹」！戲中古仔係飾演退休拳王，笑話冇乜打戲嘅，相反娜姐就要勁打，仲自爆第一日開工隻腳就受傷撞鐵櫈，即刻入院縫咗5針添呀！娜姐又講到戲中角色係做小三，戀愛腦愛情至上，現實中嘅佢又係咪咁呢？
唔好睇Gigi嘅角色打扮斯斯文文，佢笑話係負責打啲女仔交，即係扯頭髮嗰啲呢！見老公同囡囡Sofia喺開鏡前離開，Gigi話個女專登嚟係畀功課佢檢查，聽到呢個答案有啲surprise！嚟緊嘅side track concert又準備成點？
古仔指嚟緊因為開戲而暫時未能join school tour，講到最近又有fans考古咗佢條《像我這一種男人》扯爛裇衫嘅表演片段，古仔抵死講笑話平時喺屋企都會扯爛裇衫，仲勁大方話唔介意重現呢個黃金畫面畀大家睇，係咪堅嘅先？咁係咪會有埋蝴蝶紋身？
另外，啱啱開完birthday party嘅古仔，邊part最感動到佢？而另一套由張繼聰、蔡卓妍合拍嘅賀歲片，近日發生租場地小風波，古仔又有咩回應？即刻去足本訪問片！
