【Viu】噚晚先喺澳門開完33場巡唱嘅張敬軒，今日就返到香港出席活動，同過千名「澱粉」聚會玩餐飽！軒公笑指Fans嘅禮物越嚟越Kam，噚晚除咗收到「高射炮」外，仲有少少鹹多多趣嘅「粉紅色毛毛啞鈴」，嚇到怇唔敢帶返屋企驚嚇親父母。軒公又話已經摸過Tyson滑雪墊實物，大讚好手感，期待佢出埋抱起自己嘅版本咁話！
講到早前親撰萬字文解釋《叱咤》賽果同音響，軒公再三澄清自己冇可能操控獎項：「有都造畀自己威啦！」軒公又透露首奪「男金」嘅Ian受到輿論困擾，所以鼓勵對方要用實力證明自己。
今日「軒公開庫」又點止咁少話題呀，軒公仲回應埋前輩黎彼得嘅批評、百鳴哥嘅《普渡眾生》，連洪嘉豪嘅緋聞都八卦埋，想笑餐飽就睇訪問啦！
