【Viu】吳君如今日出席手機活動，同「AI君如」大方合照，又笑認係撞樣Edan！咦，咁加埋「小如豬」咪十足「串燒三姊弟妹」？講到早前「AI君如」廣告呃咗唔少人，君如直言得啖笑，事關嗰條借錢片段超級膠面，自己都估唔到咁多人信，最爆笑係唔少圈中好友紛紛致電求證，又笑指森美嘅「磁場」似乎有啲問題，所以經常被騙。
講到內地演員王星喺現實中去泰國拍戲被賣豬仔到緬甸，君如坦言好震驚，好彩依家有經理人團隊幫忙篩選工作，仲自爆那些年幾個女藝人膽粗粗去外地登台走埠嘅驚險事添呀！
此外，講到早前失落金馬影后，君如坦言當去Party見老朋友，最開心係識到新朋友許光漢，又親解同許老公喺台上「錫錫」嘅原因，想知就睇足本訪問啦！
