【Viu】洪嘉豪嘅《黑玻璃》成為商台叱咤頒獎禮的「叱咤十大」第七位，嘉豪坦言緊張到胃痛，加上想唱好首歌，所以忍住眼淚，仲揚言新年要派大利是慰勞員工，但又笑言要避年喎！期間嘉豪仲化身「對穿腸」狂唸《黑玻璃》歌詞，又笑言要嘔幾両血，仲自爆畀Moon笑佢好適合拎「第七位」，明嘅就明啦！
至於MC嘅《小心碰頭》就成為「第十位」，佢好慶幸每年都可以喺《叱咤》攞獎，但就大呻病到「耳仔色盲」咁款，喺澳門開騷時幾乎聽唔到音準，只係靠肌肉記憶唱落去。MC又笑認最後悔係講咗「腹肌宣言」，就算依家有4嚿腹肌都唔敢學Tyson咁「露半球」，講講吓仲分享埋黐膠紙拍MV嘅苦況，「大抽」同「大袋」都出埋嚟，SLDPK呀！
