【viu】《KATCH OUR LIFE》今晚舉行記招，宣布嚟緊舉行嘅4場演唱會歌手名單！頭場8月30日先由Jer@MIRROR x MC張天賦；「陳豪」陳蕾 x Kaho洪嘉豪就喺年尾開騷，仲會加入一男子組成「鐵三角」；第三場演出喺2025年初，Dear Jane孖一隊海外男子組合；最後一場就係華納family，全公司歌手晒冷！
同係《全民造星》、busker出身嘅Jer、MC對呢次crossover話勁興奮，直言火花滿瀉呀！講到Jer曾擔任MC紅館騷嘅嘉賓，佢笑話今次有成個騷嘅時間對唱，仲預告會唱對方嘅歌添！
MC就透露佢哋好早就開會傾rundown，早啲夾定啲可以練定嘅item，會唔會係講緊跳舞？兩大舞王對決，呢個畫面好睇喎！咁又唔知佢哋開會係咪成日嗌外賣？又點操弗副body？會唔會有驚喜畀柳柳粉、賦二代？
「陳豪」呢對死黨終於合體開騷，連陳蕾、Kaho都話超期待！豹哥抵死笑話同院長開騷會冇咗氣質、多咗低俗，不過都希望散發到呢面畀仙子睇！而佢哋預告呢個騷仲會有位零死角靚仔加入，究竟係邊個？畀多次豹哥揀，院長靚仔啲、抑或係零死角男星靚仔啲？
院長講到明呢次一定會排隻雙人舞，但對象唔係陳蕾？豹哥即時「反擊」指，同院長初相識嗰陣有諗過寫首合唱歌，但隻「友誼嘅小船」話翻就翻，今次有冇機會修補？另外，陳蕾噚晚開live打機嗰陣，期間有仙子自爆有輕生念頭，豹哥秒熄live處理，呢日佢替仙子報平安，指佢一切安好！
