【Viu】AK今日為BANDAI Card Game Fest任頒獎嘉賓，呢位One Piece忠粉全程堅開心，又帶咗幾張珍藏出嚟見細叔伯，佢話個笑容係跌出嚟，仲話公司冇人明佢喎！笑C！AK又話每月會花4位數買Card，某啲Card已升值至過萬，開心仔！佢又分享有比賽Card值逾百萬添！
AK日前驚喜現身兄弟Ian新戲《久別重逢》謝票場，佢話係搲公司先有一張飛咋，又大讚兄弟表現，同時又葡萄陳仔同男神伊健合作。
講到AK成為新鮮出爐嘅全球百大型男2024嘅第23位，佢謙爆話係虛名。又提到奪第2位嘅姜濤喺IG透露「感尷尬」，希望大家以後唔好再推佢上榜，AK就話明姜Admin用意，唔想浪費Fans私人時間。AK又預告Solo新歌應喺農曆年見街，生粉們想知更多？睇足本訪問片啦！
