【Viu】Anson Kong今日以白馬王子Look出席化妝品活動，獲大批生粉撐場，AK笑言噚晚睇完偶像郭富城演唱會後，終於明白生粉嘅心情，事關自己喺後台同城城合照時，緊張嘅小手無處安放，仲Rapper上身一輪嘴自我介紹，仲公開爭取求合作，希望老闆早日夢想成真啦！
心情大靚嘅AK又回應將「侄仔」嗌錯「姨甥仔」嘅「上等靚豬兜」趣事，仲親解理想結婚年紀，但一聽到好多女仔要買樓先結婚，佢即刻將「婚期」押後10年，又公開爭取「李老闆」提供員工宿舍，笑Cry呀！老闆嘅「豬兜」趣事點止咁少，講到小組歌時，又唔小心越爆越多，人數同舞種都劇透埋，唔知大家估唔估到呢？
講到大表哥生日變黑圖放題，AK自言從來唔「引戰」，希望各位隊友冤有頭債有主，唔好殃及池魚！咦？咁佢驚唔驚有更衣室黑圖喺姜濤手上呢？AK就話自己仲有大絕未出，嘩，呢張「黑濤」真係要留名喎！
此外，同樣有揸車嘅AK，都有回應193嘅交通事故，希望3爺「經一事蔡一智」咁話！想同老闆展開激情對話，記得loop爆足本訪問喇！
