【viu】「ViuTV全城奧運 傳承狂熱」記者會今日舉行，AK、Stanley代表MIRROR現身，唔知佢哋最期待嘅奧運項目係咩呢？又有冇興趣做評述？噚日先喺日本返港嘅大表波，自爆仲未好返，咳到甩肺咁話！就嚟開騷嘅AK聽到即刻彈開十呎遠自保，真係畀佢哋笑死！講到喺旅程中，Stanley諗住化身韓劇男主角，除褸幫女友Alina擋雨，點知食咗個大檸檬，佢即場還原事件過程，被AK評做少咗一個動作就唔夠傳神！而大表波為力證自己係個浪漫之人，再列舉浪漫案例，Team Stanley小心聽到暈晒大浪！
AK為solo concert積極操弗，大表波代驗收暫時成果，大讚胸肌係大咗！不過AK笑話依家兩邊加埋都唔夠Stanley一邊大，會繼續奸爸嗲！至於講到Frankie被傳與女友Christy飛泰國旅行，Stanley表示睇過經理人出story係同Frankie開緊劇，間接回應Frankie喺香港工作中！足本訪問片即刻送上！
