【Viu】新鮮出爐金馬影后鍾雪瑩凱旋返港！今日佢拎住個金馬獎座首見香港傳媒，電影公司更準備咗鮮花同香檳祝賀新科影后！點知鍾雪笑話其實佢一直都好平靜，當宣布獲獎嗰刻好愕然，又講到當晚有3個感動位，分別係見到林品彤、小野同袁澧林，係邊個令到鍾雪爆喊？鍾雪仲自爆喺台上本來想做一件事，但最後冇做到，究竟係咩？
鍾雪話封后之後瘋狂收到祝賀message，最後係直頭熄機處理，真係好搞笑！對死黨JACE陳凱詠跳跳紮祝賀，鍾雪笑話係好合理，符合JACE嘅浮誇性格，依家就輪到佢幫JACE拉票攞「我最喜愛的女歌手」！鍾雪喺台上多謝艾粒後，見少爺占post咗張話係同8歲嘅鍾雪影嘅合照，實情又係點？
每年金馬獎後都會公布投票過程，指支持張艾嘉、吳君如嘅評委想翻盤，鍾雪大方話呢個都係個過程，好榮幸同其他女演員一齊角逐獎項！至於戰友游學修被爆差一分失影帝，鍾雪話阿修一啲都冇唔開心，知道係第二名更加開心添！
究竟鍾雪接到《看我今天怎麼說》嘅女主角角色，個casting係咪就係喺《調教你MIRROR》入面？鍾雪學手語又係咪真係關《溏心風暴》事？希望衝擊埋金像獎？即刻睇足本訪問啦！
