【Viu】出道3年嘅Sica何洛瑤將於12月5號喺麥花臣舉行處女演唱會《The Wonder of sica 屎卡の奇幻旅程》，難得開騷梗係要親力親為啦，等Sica解構吓呢個演唱會嘅Concept同企位安排啦！既然幾「奇幻旅程」做主題，Sica坦言人生中嘅magic moment一定係《全民造星IV》，創造咗好多個「奇迹」。咁如果要佢喺P1X3L x 5G當中，挑選3位朋友同佢一齊坐飛船經歷「奇幻之旅」，「天字第一號」就係最近「靚出日本」嘅George喇，有品味喎，咦？咁點解唔搵埋P1X3L嘅Phoebus同Marco齊齊坐飛船呢？等Sica親自解釋吓，仲自認係P1X3L x 5G嘅遊戲王aka酒筲簊，又笑言好酒量全靠跳Tone媽咪「
榴蓮洪」遺傳，兩母女都有啲料到喎！
除咗演唱會係成就解鎖，Sica另一成就解鎖就係搵嚟男神林家謙為新歌《我們只有一往直前》作曲，講出自己闖蕩娛樂圈嘅心聲，想一齊開心吓就睇Sica專訪啦！
