【viu】黄浩然、周家怡、George歐鎮灝、沈殷怡、Marco葉振弘、Kathy仔、陳鎮亨、Martin王智騫、阿蛋@Lolly Talk等今日出席ViuTV原創劇《數字人生》拜神，首次參演ViuTV劇集嘅浩然，為飾演「凸腩廢中」而日食五餐，成功增肥廿磅，家怡即大讚「老公」好硬，仲爆佢喺劇中會偷食女神添呀！
浩然大讚飾演阿仔嘅George勤力兼有天份，熟讀對白；家怡就慨嘆飾演「阿仔」嘅演員由小學生驚變廿幾歲年輕人，認真搞笑！
George謙稱唔係再做主角，加上未出糧，所以唔萬歲住！佢又同Marco爭住認係Kathy仔嘅後輩，仲推舉「前輩」唱劇集主題曲；又笑指接受Marco細佬Manson加入P1X3L做「最強大腦」！
此外，亨仔@ROVER同阿蛋@Lolly Talk首次拍劇，同大隻靚仔Martin一齊演大學生，想知Martin為亨仔同阿蛋帶嚟咩壓力？睇足本訪問就知啦！
