【Viu】MIRROR為《12怪盜》謝票，Lokman 同Jer嚟到荃灣站，佢哋有好消息宣布，票房已衝破1500萬！現場鏡粉即期望開拍續集，仲想12子一齊露腹肌，咁有睇頭得唔得架？比入行前做記者時「大隻」咗好多嘅Jer即落閘，話要視乎劇情。
今日係謝票last day，Lokman話好唔捨得，同Jer一齊分享拍攝時候嘅得著同難忘事，感激幕後動作演員嘅辛勞，仲爆12子鬧交場戲，Jer話圍讀時已火藥味十足，未見過Lokman 情緒大爆發，更一度拉唔開Edan同Stanley，並自爆自己為一個鏡頭NG14次！對於今日多咗兩位新晉「實Q」傍實，Jer話自己好被動，想睇更多分享記得睇片。
