【Viu】首辦世巡嘅日本偶像男團Travis Japan（TJ）唱到嚟香港！明、後晚將會喺東蒲胡李名靜體育館舉行兩場演唱會，今日7子喺開騷前率先見傳媒，興奮話已經準備好surprise畀香港嘅fans，仲大爆會有廣東歌、英文歌添！
上次TJ嚟香港受訪都有大晒撩妹廣東話，而呢次佢哋主力進攻「食」嘅範疇，無意間發現原來松田元太係超鍾意食便利店嘢食，更係港式奶茶控！7子上次話最想食蛋撻同田雞，今次會唔會有機會食？邊位成員最大食？又會唔會應中秋節「玩月餅、食燈籠」？
講到TJ喺日本開騷有晒肌，香港場又會唔會有同樣福利先？全員即力推七五三掛龍也騷腹肌，咁好期待喎！適逢TJ呢次世巡激罕批准fans影相、拍片，咁大家除咗可以用眼睛留低呢個咁養眼畫面，仲可以影埋相，真係要好好把握呢個機會呀！想知七五三掛龍也點keep fit？點解今次咁好可以舉機睇騷？TJ嚟緊仲有啲咩目標想達成？足本訪問片有lu！
