【viu】Jer柳應廷、MC張天賦完成首場《KATCH OUR LIFE Jer柳應廷 x MC張天賦音樂會》後受訪，仲有一場未唱嘅佢哋竟然笑話夠晒喉，最擔心係體力support唔到！但佢哋今次冇乜跳舞，照計應該唔會太消耗體力㗎？MC大呻最辛苦係10秒短跑，MC可能係被歌手事業所耽誤嘅短跑高手？！
今次見Jer、MC都有加插彈結他唱新歌環節，佢哋澄清只係屬越級挑戰交流，並談唔上係battle，仲超誠實咁自爆「撻Q」咗喺邊個位，再兜返自讚係一個rock得嚟又帶點raw味嘅爆炸式演出！至於講到Jer挑戰打太鼓，佢不禁自爆練鼓練到「不舉」，what？咁大件事？
MC話呢次唔騷肌啦，做返歌手本份唱歌，但喺晒黑圖方面，個身份就變咗做entertainer娛樂家啦！咁唔知呢兩位歌王又夠唔夠膽騷後收集fans嘅黑圖嚟個PK大賽？Jer手上又有冇其他MIRROR兄弟嘅黑圖？MC舉手爆佢手上有超多張「華納三寶」成員之一嘅黑圖，究竟係邊個？
另外，商台日前喺台慶宣布會再搞903籃球賽，Jer即刻衝出嚟話冇信心打波，但有信心再甩鞋，MC亦醒目tag自己歌「與我無關」回應！Jer再提議或者可以搞個足球賽、麻雀王大賽，輪到MC就話自己有打開羽毛球，咁係同邊個打羽毛球先？想知就真係唔好錯過呢個足本訪問啦！保證笑到有腹肌！
