【viu】生日快樂，Jeremy李駿傑@MIRROR將於9月8日踏入29歲，話晒係最後一個2字頭生日，梗係要好好慶祝一下。噚日Fans club為Jeremy提前搞咗個《Voyage To The New Era》Fans Meeting，步入會場，就仿如進入魔法世界，Remy收到好多魔法小禮物，仲有遊戲玩添，開心到爆呀。
Jeremy一次過許咗三個願望，當中兩個都係送俾unicorns。面對現場近千unicorns，Jeremy講咗一段好深情嘅感言，雖然佢話唔想喊，但都係喊咗，「我唔想喊，係一個好開心日子，年年生日會都喊，好似搞唔掂。好感謝，今日好多由我出道《全民造星》支持我嘅unicorns， 好難得，有你哋更難得。無論咩時候支持我都好，開心擁有你哋支持。我唔係一個好完美偶像，但我都好希望可以做到，每次做到最好俾大家睇，因為大家嘅支持好難得。」
Jeremy仲有好多心底說話，臨走前更落台行勻全場跟fans講bye bye，聽到fans講：「Jeremy 我愛你，下次見」，即90度鞠躬以示謝意，呢位「米媽」真係好到呢！想睇更多即刻睇片。
