【Viu】MIRROR今日趁復活節連假開始分成4組為《12怪盜》謝票，姜濤、Stanley同Jeremy以「大表姜 x 巨龍與豬仔」呢個Crossover現身，大表哥全程化身「氣氛擔當」，除咗模仿Fans興奮到彈起嘅情況，又不時同姜姜、豬仔「耍花槍」，又笑認唔想唱「螞蟻歌」，笑爆全場！
當觀眾問「大表姜」將來想合作做咩角色時，Jeremy即刻「讓愛」畀「大表姜」當場結婚，仲話自己係「證婚人」，姜姜即刻興奮捉實大表哥手仔，笑Cry呀！小編當然再幫大家追問Stanley「情歸何處」，而大表哥亦同大部份男人一樣，身體最誠實！想笑住放假就睇現場實況喇！
