【Viu】小賴@五堅情今晚喺麥花臣開唱《〈Who am I〉賴晏駒巡迴演唱會香港站》，請嚟Jeremy@MIRROR做嘉賓！豬仔出場前，小賴預告接落嚟係雙人歌曲，仲叫定「賴打」轉頭要再嗌得大聲啲！
《邊緣人格》隨即起歌，Jeremy以全黑look中途加入，今晚仲附送個小Deep V添！小賴一嚟主動伸手掂Jeremy，然後雙方面對面咁嚟咗一吓wave，hot到爆！小賴喺Ending pose索性從後攬住Jeremy，更用手喺豬仔胸上方掃過，勁有妖味！
合唱完二人就先嚟咗個抱抱，不約而同話想合作咗好耐！小賴透露搵Jeremy做嘉賓係源於一次飯局，講到知道大家好想睇佢同Jeremy尬舞，就決定嚟場battle！小賴又貼心幫Jeremy宣傳新歌！送走小賴去換衫嘅Jeremy，繼續以國語延伸飯局內容，一時唔記得可以轉channel講番廣東話超99！佢更自爆獻出咗「第一次」畀小賴，話呢個「第一次」係好值得紀念！
另一MIRROR好友Edan呢晚亦有嚟撐小賴，當小賴落台同賴打合唱《魚水情深》，大螢幕就突然見到「黑。悟登」Edan，二人即場對唱，真係超surprise！
另外，小賴亦不忘大晒廣東話，除咗苦練「哥哥」張國榮首金曲《追》之外，一開騷跳完一連三首快歌組曲後，同賴打自我介紹say hello，又大讚賴打嘅尖叫聲好大聲！又邊喺補妝抹汗期間，邊感觸自爆冇諗過可以喺香港開騷，隨即扮抹眼淚笑話唔敢望台下，典解嘅？喺encore位小賴最終忍唔住爆喊，發生咩事？即刻睇現場實況啦！
