【Now.com】柳應廷(Jer)與張天賦(MC)兩位唱得之人,將於8月30日聯手舉辦音樂會,由於反應熱烈,主辦宣布加開一場,兼推出VIP門票,讓持票粉絲獨家觀賞絕密綵排。
《KATCH OUR LIFE Jer柳應廷 x MC張天賦 音樂會》的主辦單位今天(18日)在社交平台官方專頁宣布由於音樂會反應熱烈,門票被火速秒殺,為答謝一眾樂迷的熱烈支持,現決定加開8月31日(周六)一場,讓更多粉絲可以入場欣賞Jer和MC的首度合作。
對於加場決定,Jer與MC都感到十分興奮,Jer笑着表示:「本身都覺得唱一場唔夠喉,有得加場當然開心!」MC亦認同Jer的想法,說:「加場當然開心啦,因為可以有多啲機會,等更多嘅觀眾可以接觸我同Jer嘅音樂,睇到我哋嘅合作,而且一場唔夠喉,兩場就滿足啲。」
除此以外,大會更特別推出VIP門票,持票觀眾可以提早入場,獨家觀賞Jer 柳應廷及MC 張天賦長達30分鐘的事前綵排,期間二人會於台上預熱準備,以及試唱部分音樂會中的表演歌曲,一眾粉絲萬勿錯過!
被問到音樂會上會有甚麼特別構思,Jer就大賣關子:「會同MC認真考慮,希望大家期待吓!」沒有劇透一眾粉絲,而MC則表示:「要睇同Jer嘅時間配唔配合到,能唔能夠有充足嘅時間準備多啲嘅表演,如果有娛樂性,同埋觀眾可以睇得開心啲嘅話,當然可以有多啲唔同嘅嘢啦!」
PHOTO/Instagram:@jeremylaous、@mcheung1201