【Viu】《全民造星V》冠軍Lyman、亞軍KC同季軍亨仔同Tsoul今日出席《ViuTV 2024》節目發布會，KC、亨仔同Tsoul直認已簽約，但Lyman就話仲考慮緊，如果公司肯開劇吸引佢落筆就最好喇！
亨仔透露會同幾位兄弟組Boy Band；KC同Tsoul都會兄弟檔上陣，三位稍後仲會同希晉、Kim一齊去日本拍節目，「行程」由觀眾決定喎！如果觀眾投票叫五子去探訪AV女優又點呢？KC就身體最誠實喇！
講到亨仔同Tsoul都曾經被指同ERROR經理人濟哥撞樣，會唔會想「濟哥三兄弟」合作呢？佢哋竟然連節目名都諗埋喇，笑cry呀！
