【Viu】Alton王智德@MIRROR、林宣妤、泰妹@試當真、陳子豐、麥沛東、姜文杰及周祉君等，今日現身ViuTV原創劇《社畜再培訓先導計劃》開鏡拜神。Alton演真社畜，被公司逼去做小學生，同宣妤飾演嘅老師有微妙關係，Alton又爆俾班童星追問佢同宣妤嘅「感情」？咦唔通發現咗啲嘢？Alton表示恨有真愛情線，下次拍戲一定要向導演、監製動議咁話！而佢近期忙拍劇兼為舞台劇《一樓一會》排練，仲話要追更冇得瞓，自稱勤力過太陽！
泰妹@試當真、麥沛東、唐浩然、陳子豐、姜文杰、周祉君都飾演小學生，佢哋都葡萄一班童星最錫Alton同麥東，認為佢哋冇殺傷力。而泰妹表示有關心早前偷嘢被捕嘅同事兼朋友滕毅康，但就唔知佢之後喺公司嘅發展。再問到老闆游學修早前Po片疑取笑Anson Lo舞技，泰妹就話冇八卦呢單嘢，佢更爆3位老闆籌備緊全公司一齊去大旅行添！
