【viu】各位由細睇《加菲貓》睇到大嘅網友，係咪唔知加菲貓有Daddy呢？首次講述「加爸」嘅動畫《加菲貓：勇闖世界》，搵嚟兩位好戲之人林雪同麥沛東聲演兩父子，雪哥仲對麥東喺《正義迴廊》嘅演出讚譽有加，加上略帶父子相，約定下次喺電影再續父子緣咁話！
首次為動畫配音嘅雪哥，笑言最大困難係要講純正廣東話，而且冇得加插自己爐火純青嘅粗口助語詞，壓力大到差啲抆甩晒啲頭髮呀！雪哥仲畀戲中嘅父子情觸動，自覺一直以嚟用工作做藉口，忽視咗一對仔女嘅成長，仲講到流下男兒淚，有洋蔥！
雪哥嘅頓悟，為結婚一年半嘅麥東帶嚟唔少衝擊，事關香港地手停口停，有邊個父母唔使搵食，可以全天候陪住小朋友成長呢？聽到呢度，相信大家同小編都只能表示無奈，惟有寄情欣賞呢套有笑有淚嘅電影，平衡一下生活啦！
