【viu】林雪、麥沛東今日出席電影《加菲貓》首映，二人聲演兩父子阿肥同加菲貓，林雪透露瘦咗10幾公斤，現場見佢心情靚爆，聽到音樂un晒身，玩比手畫腳遊戲時，連「英文」題都難佢唔到，寸爆麥沛東PIZZA係意大利文，超精靈！
咁開心唔係冇原因嘅，皆因聽日就係父親節，林雪透露今晚會同細佬及媽咪一齊食飯；而最令林雪期待，就係正日由一對子女親自下廚，林雪話仔女突然茅塞頓開，形容自己係最幸福爸爸！而麥沛東今日就帶埋父母嚟睇戲，結婚一年多嘅麥東表示有計劃生小朋友，雖然同林雪係分開配音，但每次合體做訪問都從對方身上學習到點做一位好爸爸！而事實上林雪喺台上係風趣爆笑，台下又極感性，仲有佢話計劃今年拍10部電影，諗住預埋「阿仔」麥東一份？想知堅定流，記得唔好錯過足本訪問。
