【viu】Viu Original本地原創劇《同居少女諸事卜》今日舉行開鏡儀式，一眾演員193@ERROR、阿Dee@ERROR、Cloud雲浩影、kayan9896、Chloe蘇皓兒、鄧月平晒冷現身！Dee哥、193、Cloud雲浩影喺今次新劇譜出三角戀，Cloud仲即席嚟個「男神二選一」，大家係咪好想知邊位得到女神垂青呢？
飾演機師嘅3爺仲預告玩制服誘惑，仲話似足「Sam哥」，Dee哥就未開工先搲拍前傳，希望可以加大量親熱戲，連廁所場口都度埋，真係笑到有腹肌呀！Dee哥同3爺仲預告6月亞博騷嘅籌備情況，估唔到Dee老師「再鋒利嘅刀都有生銹嘅一日」！
第二次參與Viu Original系列嘅kayan9896秒變「師姐」，今次同新班底、演員合作，佢話既緊張又興奮！kayan今次飾演占卜師，平時都篤信星座、塔羅，佢指劇組有搵真嘅占卜師駐場教佢派牌手勢，大爆有借啲意同Chloe自肥問愛情事，聽到結果即刻嗌超準！究竟佢哋問咗啲咩？
而Chloe戲裡戲外都係籃球高手，開正佢嗰瓣超hyper，笑話會自己加戲騷quali！鄧月平演嘅角色係Chloe嘅守護天使，透露有幾場打籃球嘅戲份，二話不說拜Chloe為師！另外，雖然女子組呢次比較少同男演員有對手戲，但kayan自爆會同Alex林德信有幕極害羞嘅纏綿場口，尺度會唔會好大先？Chloe亦有同陸駿光對戲，呢pair又擦出啲咩火花？想笑餐飽就睇足本訪問喇！
