【viu】靚媽鍾嘉欣今日出席保險活動，開心share早排因為老爺80大壽而闔家歐遊嘅趣事，仲自爆趁老爺奶奶湊三個小朋友返酒店午睡，可以同老公去希臘小島二人世界，So sweet！
嘉欣表示今次會stay喺香港一段時間，準備8月嘅廣州演唱會，為免老公同小朋友Jetlag完又Jetlag，同埋唔想分心，謝絕家人捧場咁話！講到門票極速售罄，嘉欣即刻「少女Mode」尖叫：「1秒呀！我初頭好怯，我好似out咗10年，有冇人嚟㗎？」喂呀！咁True得唔得㗎？
講到「最佳拍檔」林峯都宣布9月喺澳門開騷，嘉欣又再「常在心」上身話好想睇，仲想同「Alfred」合唱《溏心風暴》片尾曲《心領》，omg，有聲㗎！呢單合作真係唔使急最緊要快呀！
