【viu】因《九龍城寨之圍城》演陳洛軍爆紅嘅林峯，嚟緊9 月將會喺澳門舉行演唱會。已多年冇開個唱嘅林峯，噚日先喺IG Po演唱會Teaser，短短十幾秒靚仔Shot，已經引死Fans啦！林峯話希望將個騷帶返嚟香港，「我哋都籌備緊，要睇場地可唔可以配合到。因為我覺得一個好嘅騷可以無止境，一個主題喺基礎上有更多嘢可以去發掘，包括以前我哋做演唱會，每一場都希望可以令觀眾有唔同嘅感官，總之入場你就知喇！」
林峯仲呼籲歌迷主動提出想聽咩歌，「希望大家做個好好嘅互動，你話我知想聽咩歌！」佢仲預告有機會請圈中老友上台JAM歌添！當然都會招待《城寨》一班好拍檔過大海睇騷，喂呀「四少」合體上埋台仲正呀！想聽阿峯訪問，入嚟睇片啦！
