【Viu】Endy周國賢、周家怡、Brian陳安立、「阿神」曾贊學、「Kathy仔」王頌茵等今日出席新劇《無人之境》記者會，首次合作嘅「雙周」瘋狂搞Gag，家怡不斷讚「周仔」，包括「個頭細」、「又長」，仲係「硬漢子」，搞到Endy「紅都面晒」；當「進擊的家怡」即席示範咀戲時，仲嚇到彈開，笑爆全場！
講返正經嘢先，雙周簡直一拍即合，仲合唱埋劇集主題曲，Endy又幫家怡主理嘅節目《恨駕女團》創作主題曲，又爆家怡手車好辣，嚇到自己要捉實扶手呀！
至於Brian就話同Candy@COLLAR冇咀戲，唔驚收「晴天娃娃」刀片，亦唔使同老婆備案，最難忘係大Budget嘅淋雨戲，唔止出動水車，連警車都到埋！阿神就好開心同偶像Endy合作，又即席唱兩嘴添，不過就唔敢向Endy邀歌喇！Kathy仔話角色反差好大，要黐大量髮片扮長髮，夏天拍攝時熱到成頸汗！
