【Viu】郭富城忙完馬來西亞演唱會，今日孖《臨時劫案》團隊，一口氣跑6場謝票。有妹妹抽中同城城影合照，小朋友第一句就問點解你咁靚仔？笑爆全場！
城城喺戲中大講金句 「講多謝」、「啱晒數」等， 俾網民洗版 ，佢話有部份係自己創作。城城又自嘲悲劇之王甚少拍喜劇，開心票房今日破1800萬，又笑自己假哨牙角色犧牲大。
而喺戲裡面同任賢齊、林家棟喺山邊小便，城城話從未試過，又爆兩個囡囡見到佢喺宣傳片中槍，即刻大喊添！
導演麥啟光就話唔會開續集，但會開全新嘅戲預Kathy仔王頌茵、張松枝、符家浚拍，佢又多謝杜Sir有入戲院支持，講到唔少人覺得套戲有杜Sir風格，麥導坦言唔想。符家浚又爆將會同撞樣「爸爸」林雪演父子，想聽更多笑料？快啲入嚟睇足本訪問片啦 ！
