【Viu】Shirley沈殷怡、「阿神」曾贊學同8位小B今日出席《香港小B選舉》記者會，期間1號小B卓嵐表演鋼琴、2號小B Monna玩魔術、5號日系小B新一同8號Migal晒超強舞功，身為鏡粉嘅3號小B熹熹，仲即興跳姜濤嘅《Master Class》，又話大個想參加《全民造星》做返個「明星仔」，Cute到爆呀！
Shirley同阿神分享同小B嘅相處趣事，前者大讚Migal勁窩心，知道自己就生日，喺後台送上親手畫嘅卡通生日卡，搞到即將「29+1」嘅佢好想快啲生B呀！阿神就話Monna超奔放，試過搣佢肚臍嚟打招呼，搞到瘀晒呀！想睇吓呢班得意小B，快啲睇足本訪問啦！
