【viu】《香港電影導演會2024年度頒獎典禮》今晚喺尖沙咀舉行，P1X3L黑西裝上陣擔任表演嘉賓，三子話見到台下有咁多影視紅星、導演係有啲緊張！佢哋又搞笑自分是晚負責崗位，George施展社交手腕、「酒筲箕」Marco當然就係頂酒、而Phoebus就自稱負責觀察！
George喺處男電影《不赦之罪》中飾演強姦犯，同影帝黃秋生最多對手戲，坦言一開始對住秋生哥都有啲怯，因為對方氣場好勁，仲自爆首演強姦戲份嗰陣嘅感受，講到要做安全措施嗰陣，Marco、Phoebus即刻打咗個突，場面爆笑！而Marco、Phoebus就話有帶埋蛋撻去探班，係愛呀！至於問到George知唔知「楊悅盈」Marf同Locker單緋聞？佢話同Marf少見面，所以都唔知情！
Jeffrey依舊靚仔登場！呢位新牌仔一嚟就自爆啱啱買咗架二手車，買嗰陣係有搵埋好兄弟Tyson Yoshi幫幫眼，不過佢就話唔夠膽車人，最近仲要搵教練補鐘學泊停車場！提起Jeffrey出post反擊被指整容，佢指從來冇諗過要放負，只係因為太多網民討論，所以忍唔住抒發，冇影響心情！
久未露面嘅葉子楣，身材仍然fit爆！佢笑話有成30年冇出席公開場合，見返昔日嘅拍檔、導演都好開心，更放聲話隨時ready復出拍戲，又指之後接戲想以演技為主，希望少性感！最後仲開心share凍齡心得添！即刻去片啦！
