【viu】Kaho洪嘉豪首場處男紅館個唱順利完成！騷後受訪，Kaho笑話初體驗嘅過程比想像中嚟得快，特別係換衫嘅時刻！講到院長晒小蠻腰兼腹肌，佢自豪話依家腰圍27吋，胸肌仲去到40幾吋，簡直係創人生高峰！可能開騷壓力太大，佢指依家係雀仔胃，食完個飯會想嘔返出嚟，搞到仲瘦過開西九騷，直頭行步路都見暈，所以完咗紅館演唱會嘅目標係訓練胃口！
不得不提「華納舞王」之名，Kaho搞笑話盡晒力，雖然係有少少唔完美，但勝在勇氣可嘉！至於帶埋部FL5上台，佢話係佢嘅心願，屬自肥部分，想將《黑玻璃》個song cover呈現喺紅館舞台，希望院友有個震撼感！
另外，邀請到「細妹」Marf@COLLAR做嘉賓，Kaho再次撻着個沾沾mode話嗰part係自己度出嚟，好似將《那年盛夏我們綻放如花》搬上舞台咁！想知Kaho喺邊個moment最想喊？處男紅館騷畀自己幾多分？最滿意又係邊首歌？洪媽媽唔畀騷肌係堅嘅？尾場又賣咩關子？即刻睇足本訪問！
