【viu】「香港電影工作者總會 」今晚喺尖沙咀舉行春茗晚宴，古天樂、田啟文、Jennifer余香凝、陳家樂、衛詩雅、George歐鎮灝、游學修、張繼聰、ANSONBEAN等都有出席，台前幕後延開26席宴逾300人！
7月就做爸爸嘅陳家樂，跟舊愛余香凝同場，家樂透露日前喺導演會晚宴已碰過面，有互相問候，仲輕輕同育有一子一女嘅Jennifer 傾湊仔經，兼恭喜對方得最佳女主角，真係再見亦是朋友嘅典範。同場家樂仲跟被薛家燕認錯嘅「老婆」衛詩雅相認，摸摸對方個肚，詩雅笑言唔介意繼續被認錯，可以趁連詩雅懷孕接埋對方啲job，仲想出動埋媽咪幫手湊B，笑Cry呀！而Jennifer 同衛詩雅均入圍今屆金像獎嘅最佳女主角，想知「戰衣」籌備情況，就梗係要聽佢哋親自講解。
身為兩屆電影工作者總會會長嘅古天樂一早到場，日前先出席完導演會晚宴，密密食，佢話因忙於應酬，反而食少咗，有助減肥。提到佢最近亮相YouTube頻道拍片逛超市，佢話開心可以了解年青一代新媒體工作，並親解冇黑面原因。而George早前被爆拍《飛黃騰達》遇靈異事件，自爆「敏感」人士，懷疑當日因為着咗件曼聯波衫有關，咁豐富內容記得loop爆呢條片嘞！
