【Viu】「阿嬌」鍾欣潼今日出席護膚品活動，吸引大批Fans撐場！阿嬌自認係懶女人，演唱會一完咗就冇再敷Mask，唉，呢啲是咪叫天生麗質呢？佢就謙虛話唔係喇！
阿嬌又分享完騷後去沙特旅行嘅趣事，但避談同內地網紅、有「女版陳冠希」之稱嘅皇甫聖華嘅緋聞，淨係話係一班朋友去，並非「二人遊」，仲大呻當地食飯好貴添！
講到「龍虎豹」將會合體拍綜藝節目，阿嬌希望唔使上山下海，最好舒舒服服瞓吓覺、唱吓K，但強調唔會爆祖兒同阿Sa大鑊！
個個都做訪問，你估個個都想做訪問咩？對於自己嘅訪問金句畀網友輯錄成Memes？阿嬌就話唔知情，仲使出另一金句回應，想知就睇足本訪問啦！
